دلع الخليج

موضوع: دلع الخليج السبت مايو 31, 2008 4:20 am

قصة نسوان خليجيات يقولون لبعض قصصهم عن رياييلهم لما بغو يدلعونهم

الريال الخليجي إذا ما علّق أو تطنز يمرض
اقروا المواقف وضحكوا كثر ما تبون
.
.
.
تعرفون اغنيه (آدم) اللي اسمها كيفك انت..!!شفتو بالفيديو كليب البنت لما كان نايم جان تقعد تناقز بالفراش عشان تقعده، والذرب بكل رومانسيه فتح عيونه والابتسامه شاقه الحلج.
رفيجتي يعني طالعه فيها بتسوي نفس الحركه بزوجها يوم كان نايم
عاد بنت الحلال بطبوطه..تقول كشخت وقعدت اناقز بالفراش
توقعووون لما فتح عيونه زوجها شقال !!!!!!!!!!!! !!!!!!!!
انثبري لا اصفقج بالأباجــــــــــــــــــورة هههههههههههههههههه
*****
بقولكم موقف موتني من الضحك على ريلي. مرة انا كنت حاطة كحل ابيض على عيوني جان يقولي انتي ما تغسلين ويهج من الصبح ليش هالغمص بعيونج ابذمتكم مووووووووو احباااااااااااط ّّّّّّّّّّ !!!!!!!!!!
*****
مره كنت شاريه كريم حق الايدين على ريحه ليمون يبيض و ينعم

عاد ذاك اليوم حاطته بالليل ودشيت فراشي ,,, ماشوف الا هاللي يشمشم شفيك شصاير

الا هاللي يقول ماجني داش غرفة النوم جني داش الفرضه (شبرة الخضره) لووووووووووووول
*****
مره قعدت من النوم مبجر وقلت خل اقعدة من النوم بنعومة
جان اقوله باذنه "احبك"! تدروووووووون شنو رد على ؟؟
قالي: حبيني بعدين... بنام الحين
*****

وريلي يفشلني لما نروح محل ألعاب او مكان فيه العاب حق اليهال واقوله خل ناخذ هذي اللعبة حلوه عشان ولدنا يتعلم جذي وجذي .. يقولي جدام اللي يبيع او اللي تبيع: خلصيني قولي انج تبين تلعبين فيها هههههههههههههههه

وأعرف وحده سوت جو رومانسي حق ريلها يايه بتدلعه .. حطت له شموع بالدار وتقول لمن دش سوالها حركة البوذه .. يقولها داشين معبد بوذه احنا جذي مسويه واااااااااااااااااي دفشين :p
*****
انا ريلي وايد يعلق كله تعليقات احباط، كنت مرة مزينه الغرفه بالشموع وموسيقى هاديه دش الغرفه والا يقول بسم الله الرحمن الرحيم شنو بتحضظرين ارواح
*****
كنت صابغه شعري بيج وكانت اول مره اصبغه، وريلي ما يحب
الالوان الفاتحه يحب الشعر الغامج
وعاد طالعه من الاربعين وكاشخه وضعفانه والكل يقول
لي جنج باربيه، الحين انا خايفه من ردة فعل ريلي
واول ماشاف شعري والا يقول: ووع شنو هذا جنه بلاليط !!

امبيه!!! كان ودي اروح لاي صالون اغير الون مع اني صابغته بشيء وشويات
قلت عاد لازم احلل فلوسه لوول ومامر ثلاث اشهر وغيرت اللون

ومره كنت لابسه تراجي المدور حيل واول ماشافه ولا يقول
بسم الله شنو هالتراجي اسد بيمر منه؟؟
*****
مرة علق على بيجامه شاريتها من لاسنزا قالي :- خبازنا مضيع سرواله اليوم أثاريه عندك ..

طبعا احتريت منه قلتله صج مو كفو شاريتها ب15 وتعلق عليها بعد وصرت اعانده البسها دايم علقت عليها شسوي احب اعاندهj
*****
مره رفيجتي تقول لابسه شورت ولونه أزرق وفيه خط أبيض تقول لمن شافني ريلي قالي أيوه أيوه العنبري ..يعطيها لجاسم يعقوب وقوووووووووووووووووووووووووووووووووول
( زاهبين حق التعليقات )
*****

ورفيجتي الثانيه تقول كنت لابسه تايقر ... تقول لمن شافني زوجي فجأه نقز على السرير وتلحف بالكفر قال نمر بالدار لحقوووووووووووووووووووووني
وبعدين يقولون ليش الخليجية ما تدلع وتدعدل مثل البنانية! ما تصلح دلع لبنانية والعيون والتعليقات خليجية!!!

موضوع: رد: دلع الخليج السبت مايو 31, 2008 9:33 am

ههه يسلمو خيتو ما تقصري

موضوع: رد: دلع الخليج الأحد يونيو 08, 2008 12:51 pm

تسلمييـــــن يالغلا ع الموضوع

تحياتي ,,